שָׁלוֹם, אֲנִי בֵּת!
וַתְּהִי עִיר גְּדוֹלָה וְשֵׁם הָעִיר צֹר: אַיֵּה הָעִיר? אַיֵּה צֹר? צֹר בַּלְּבָנוֹן: צֹר בַּלְּבָנוֹן עַל־שְׂפַת הַיָּם הַגָּדוֹל: מִי מֶלֶךְ צֹר? חוּרָם שְׁמוֹ: חוּרָם הָיָה מֶלֶךְ צֹר: שְׁלֹמֹה הָיָה מֶלֶךְ בִּירוּשָׁלַםִ וְחוּרָם הָיָה מֶלֶךְ צֹר:
דִּבְרֵי־הַיָּמִים
ב
2:11
וַיֹּאמֶר חוּרָם בָּרוּךְ יהוה אֱלֹהֵי יִשְׂרָאֵל אֲשֶׁר עָשָׂה אֶת־הַשָּׁמַיִם וְאֶת־הָאָרֶץ אֲשֶׁר נָתַן לְדָוִיד הַמֶּלֶךְ בֵּן חָכָם... אֲשֶׁר יִבְנֶה־בַּיִת לְיהוה
תְּהִלִּים
147:5a
גָּדוֹל אֲדוֹנֵינוּ וְרַב־כֹּחַ
כֹּחוֹ (כֹּחַ יהוה, כֹּחַ אֲדוֹנֵינוּ) רַב! כֹּחוֹ רַב!
הָאִשָּׁה יְפַת־מַרְאֶה (מַרְאֶ֫הָ יָפֶה), הִיא יְפַת־מַרְאֶה:
אֲדוֹנֵינוּ רַב־כֹּחַ, (כֹּחוֹ רַב), הוּא רַב־כֹּחַ:
חַנָּה וְאֶלְקָנָה
וַתְּהִי אִשָּׁה וּשְׁמָהּ חַנָּה וּלְחַנָּה אֵין יְלָדִים: אֵין־לָהּ יְלָדִים:
שְׁמוּאֵל
א
1:8
וַיֹּאמֶר לָהּ אֶלְקָנָה אִישָׁהּ... הֲלוֹא אָנֹכִי טוֹב לָךְ מֵעֲשָׂרָה בָּנִים?
הֲטוֹבִים עֲשָׂרָה בָּנִים מֵאֶלְקָנָה אִישָׁהּ? הֲטוֹב אֶלְקָנָה אִישָׁהּ מֵעֲשָׂרָה בָּנִים? הֲלוֹא אָנֹכִי טוֹב לָךְ מֵעֲשָׂרָה בָּנִים?
הָאָדָם
וְאִשְׁתּוֹ
וַיַּרְא הָאָדָם אֶת־הָאִשָּׁה וַיּ̇אמֶר זֹאת בָּשָׂר מִבְּשָׂרִי:
בְּרֵאשִׁית
3:20
וַיִּקְרָא הָאָדָם שֵׁם אִשְׁתּוֹ חַוָּה כִּי הִוא הָיְתָה אֵם כָּל־חָי:
(קָרָא ← וַיִּקְרָא) (הִוא = הִיא)
יוֹסֵף וְאֶחָיו
אֲחֵי יוֹסֵף הָלְכוּ אֶל־אֶרֶץ מִצְרַיִם וַיָּבֹ֫אוּ לִפְנֵי יוֹסֵ͏ף:
בְּרֵאשִׁית
45:3a
וַיֹּאמֶר יוֹסֵף אֶל־אֶחָיו אֲנִי יוֹסֵף הַעוֹד אָבִי חָי
יוֹסֵף 🗨 "הַעוֹד אָבִי חַי?" וַיֹּאמֶר יוֹסֵף אֶל־אֶחָיו "אֲנִי יוֹסֵף! הַעוֹד אָבִי חַי? הֲמֵת אָבִי אִם־חַי? מֵת אוֹ חַי? הֲמֵת אָבִי אִם־חַי? הַעוֹד אָבִי חַי?"
בֵּת 🗨 הַעוֹד חַי אָבִיו? הַעוֹד חַי יַעֲקֹב אֲבִי יוֹסֵף? עוֹדֶנּוּ חַי! לֹא מֵת, עוֹדֶנּוּ חַי! יַעֲקֹב עוֹד חַי!
שָׁלוֹם!